मधेस सरकारमा लोसपाका पटेलले लिए वनमन्त्रीको शपथ

जनकपुरधाम । मधेश सरकारमा लोकतान्त्रिक समाजवादी पार्टी (लोसपा) पनि सहभागी भएको छ ।

लोसपाको सिफारिसमा नवनियुक्त वन तथा वातावरण मन्त्री रमेश पटेलले आज पद तथा गोपनियताको शपथ लिएका हुन् । उनलाई प्रदेश प्रमुख हरिशंकर मिश्रले शपथग्रहण गराएका छन् ।

पर्सा क्षेत्र नम्बर २ (ख) बाट निर्वाचित पटेललाई मन्त्री बनाउने निर्णय आजै लोसपा संसदीय दलको बैठकले गरेको थियो ।

लोसपाले दुई वटा मन्त्रालय पाउनुपर्ने अडान राख्दै आएको थियो । तर, तत्काल एउटा मन्त्रालय दिने सहमतिअनुसार लोसपा सरकारमा सहभागी भएको छ ।