उदयपुर-१ को मतगणनालाई निरन्तरता दिन निर्वाचन आयोगको निर्देशन
नेपाल प्रेस
२०७९ मंसिर १२ गते १५:३०
काठमाडौं । निर्वाचन आयोगले उदयपुर १ को मतगणनालाई निरन्तरता दिन निर्देशन दिएको छ ।
आयोगले गणनापूर्व भएको सहमतिका आधारमा गणनाकार्यलाई निरन्तरता दिन निर्देशन दिएको हो ।
सत्तागठबन्धनका घटक माओवादी र कांग्रेसबाहेकका दलले पुनः मतदानको माग गरेपछि लफडा भएको थियो ।
प्रतिनिधिसभाको मतपेटिकामा प्रदेशसभाका सयभन्दा बढी मतपत्र भेटिएपछि नेकपा एमाले, राप्रपा, जसपालगायतका दलले पुनः मतदानको मागसहित मुख्य निर्वाचन अधिकृतको कार्यालयमा निवेदन दिएका थिए ।
उदयपुर-१ मा नेपाली कांग्रेसकाे तर्फबाट नारायण खड्का र एमालेकाे तर्फबाट मञ्जु कुमारी चौधरी प्रतिस्पर्धामा छन् । खड्काले २१ हजार ८३३ मतका साथ अग्रता बनाइरहेका छन् भने, चौधरीले २० हजार १२० मत पाएकी छन् ।
गणनाका क्रममा पछिल्लोपटक खोलिएको १० वटा ब्यालेट बक्समा उदयपुर १ ९२० प्रदेशसभाको एक सयभन्दा बढी मतपत्र भेटिँदा गणना रोकिएको थियो ।
६३ हजार ८० मत गणना भइसकेपछि खोलिएको १० वटा मतपेटिकामा प्रदेशसभाको मतपत्र भेटिएको थियो ।
नेपाल प्रेस
प्रकाशित: २०७९ मंसिर १२ गते १५:३०
प्रतिक्रिया
सम्बन्धित खवर
