बागलुङ २ मा देवेन्द्र पौडेलको २२८५ मतान्तरले अग्रता

बागलुङ । बागलुङ २ मा ३६ हजार ४८१ मत गणना गर्दा वाम-लोकतान्त्रिक गठबन्धनबाट उम्मेदवार बनेका देवेन्द्र पौडेलले अग्रता कायमै राखेका छन् ।

माओवादीका देवेन्द्र पौडेल १८ हजार ३२० मतका साथ अगाडि बढिरहेका छन् । उनलाई एमालेकी मञ्जु चालिसेले १६ हजार ३५ मतका साथ पछ्याइरहेकी छिन् ।

पौडेल र चालिसेबीच अहिले २ हजार दुई सय ८५ मतान्तर रहेको छ । त्यस्तै तेस्रो स्थानमा १ हजार ५ सय ६३ मतसहित राष्ट्रिय स्वतन्त्र पार्टीको उम्मेदवार तिला खत्री रहेको छ ।