नेपाल अन्तर्राष्ट्रिय नाटक महोत्सवको दोस्रो संस्करण मंसिरमा
नेपाल प्रेस
२०७९ असोज १० गते १७:५६
काठमाडौं । दोस्रो नेपाल अन्तर्राष्ट्रिय नाटक महोत्सव आयोजना हुने भएको छ ।
सामाजिक रूपान्तरणका लागि रंगमञ्चः विविधताको उत्सव नारासहित आगामी मंसिर ९ देखि १७ गतेसम्म महोत्सव आयोजना हुने भएको हो ।
महोत्सवमा नेपाल लगायत अमेरिका, बेलायत, रुस, स्पेन, इटाली, आर्मेनिया, अर्जेन्टिना, इजिप्ट, उरुग्वे, नाइजेरिया, बेलारुस, भारत, भुटान र श्रीलंकाबाट छानिएका नाट्य समूहले नाटक मञ्चन गर्ने आयोजक मण्डला थिएटरले जनाएको छ ।
यस्तै भारत, उरुग्वे, कम्बोडिया लगायत देशबाट आएका कलाकार र अभियन्ताहरूले कार्यशाला र तालिम सञ्चालन गर्नेछन् ।
महोत्सवमा देशभरिबाट छानिएका ५ नेपाली र १८ विदेशी नाटक गरी २३ नाटक मञ्चन हुने आयोजकले जनाएको छ ।
महोत्सवका लागि २२ देशका ८५ वटा नाटकहरू उपलब्ध भए पनि १६ मुलुकका २३ वटा नाटकमात्र छनोट गरिएको आयोजकले जनाएको छ ।
नेपाल प्रेस
प्रकाशित: २०७९ असोज १० गते १७:५६
प्रतिक्रिया
सम्बन्धित खवर
नेपाल अपडेट
ट्रेन्डिङ
लोकप्रिय (यो साता)
