बजेट पास गर्ने भन्दै विमला वलीलाई रातारात बुटवल पठाइयो
२०७९ जेठ ३१ गते २३:०७
दाङ । प्रेमीकी श्रीमती र छोरीलाई कुटपिट गरेको आरोपमा प्रहरी नियन्त्रणमा रहेकी लुम्बिनी प्रदेशकी स्वास्थ्य राज्यमन्त्री विमला वलीलाई बुटवल पठाइएको छ ।
अहिले राति साढे १० बजे उनलाई प्रहरीले पिएसओको जिम्मा लगाएर बुटवल पठाइएको हो ।
प्रहरी स्रोतका अनुसार मुख्यमन्त्री कुलबहादुर केसीले बजेट पास गर्न विमलाको आवश्यक भएकाले बुटवल पठाइदिन भन्दै प्रजिअलाई चर्को दबाब दिएपछि उनलाई रातारात बुटवल पठाइएको छ ।
दाङ प्रहरीले विमला बिरूद्दको जाहेरी भोलि दर्ता गर्दैछ । विमलाले आज बिहान प्रेमी एकराज बस्नेतकी श्रीमती र छोरीलाई कुटपिट गरेकी थिइन ।
प्रकाशित: २०७९ जेठ ३१ गते २३:०७
प्रतिक्रिया
सम्बन्धित खवर
