लुम्बिनीको नीति तथा कार्यक्रम सार्वजनिक मिति २ दिनपछि सारियो
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2021/06/lumbini-pradesh-province-5.jpg)
रुपन्देही । भोलि सार्वजनिक गर्न लागिएको लुम्बिनी सरकारको नीति तथा कार्यक्रम दुई दिनपछि सारिएको छ । सरकारले यसको सबै तयारी गरेर प्रदेशसभा पनि २३ गतेका लागि बैठक बोलाएकोमा लुम्बिनी प्रदेशका प्रमुख अमिक शेरचन अस्वस्थ भएपछि सारिएको हो ।
प्रदेशसभा सचिवालयले आइतबार एक विज्ञप्तिमार्फत सोमबार बस्ने प्रदेशसभाको बैठक स्थगित भएको जनाएको छ ।
प्रदेश सभा सचिव दुर्लभकुमार पुनमगरले जारी गरेको विज्ञप्तिमा २५ गते बस्ने बैठकमा प्रदेशसभा सदस्यहरूलाई उपस्थिति हुनको लागि आग्रह गरिएको छ । सरकारको नीति तथा कार्यक्रम प्रदेश प्रमुखले नै प्रस्तुत गर्नुपर्ने भएकाले उहाँको अस्वस्थतालाई ख्याल गर्दै दुई दिन सारिएको पुनले जानकारी दिए ।
केही दिनयता पेटसम्बन्धि समस्याका कारण शेरचनले उपचार गरी आराम गरेको उनको सचिवालयले जनाएको छ ।