यसरी भीषण आगलागीबाट जोगियो नेपाली रेल – Nepal Press

यसरी भीषण आगलागीबाट जोगियो नेपाली रेल

जनकपुरधाम । जयनगर–जनकपुर चल्ने नेपाली रेल भीषण आगलागीबाट जोगिएको छ ।

जनकपुर आउने तयारीमा रहेका नेपाली रेलमा भारत विहारको जयनगरमा आगो लागेको थियो । आगो लागेको तत्कालै थाहा पाएपछि यात्रुको भाभाभाग भएको थियो । र कर्मचारी र भारतीय प्रहरीले आगो नियन्त्रणमा लिएका थिए ।

रेल्वे विभागका महाप्रबन्धक निरञ्जन झाका अनुसार रेलको सिटमाथि रहेको समान राख्ने बाकसमा यात्रुले प्रतिबन्धित एसिड राखेका थिए । सो एसिड चुहिएर सिटमा आगो लागेको थियो ।

‘समयमा थाहा नभएको भए रेलमा भीषण आगो लागेर ठूलो क्षति हुने थियो, महाप्रबन्धक झाले भने, ‘तर तत्कालै थाहा पाएर नियन्त्रणमा लिएर सामान्य क्षति मात्र भयो ।’

एसिड कसले राखेको थियो भन्ने कुरा खुल्न सकेका छैन । महाप्रबन्धक झाले एसिड राखेको आशंकामा दुई महिलालाई भारतीय प्रहरीले नियन्त्रणमा लिएर सशस्त्र प्रहरीको जिम्मा लगाएको बताए ।

उनका अनुसार रेल जनकपुर आइसकेको छ ।

प्रतिक्रिया

Leave a Reply

Your email address will not be published.

सम्बन्धित खवर