काठमाडौंमा नेकपा एसले पायो पहिलो वडाध्यक्ष, १५ नम्बरमा ईश्वरको जित

काठमाडौं । काठमाडौं महानगरमा नेकपा एसको पहिलो र एक मात्र वडाध्यक्षका रूपमा ईश्वरमान डंगोलको जित निश्चित भएको छ । उनले वडा नम्बर १५ बाट डंगोलले जित हासिल गर्दै पार्टीको बीउ जोगाएका हुन् ।

भर्खरै सम्पन्न भएको मतगणना अनुसार यस वडामा डंगोलले  ३४७६ मत प्राप्त गरेका थिए । उनका निकटम प्रतिद्वन्द्वी कांग्रेसका जीवन डंगोलले १५७२ मत प्राप्त गरे भने एमालेका पूर्णकाजी डंगोललाई १३९३ भोट आयो ।

ईश्वरमान यसअघि पनि वडा नम्बर १५ का वडाध्यक्ष हुन् । यस स्थानीय चुनावमा उनी उपमेयर पदका आकांक्षी थिए । तर, टिकट नपाएपछि वडाध्यक्षमै उठे । आफ्नो वडामा उनी निकै लोकप्रिय छन् ।

मेयरमा यस वडामा सबैभन्दा बढी स्वतनत्र उम्मेदवार बालेनले भोट ल्याएका छन् । उनले २१०६ भोट ल्याउँदा एमालेका केशव स्थापितले १५६८ र कांग्रेसकी सिर्जना सिंहले १५०९ भोट ल्याइन् ।

काठमाडौं महानगरका निवर्तमान ३ जना वडाध्यक्ष नेकपा एस प्रवेश गरेका थिए । तीमध्ये टिकट चुनाव जित्ने उनीमात्र हुन् ।