औरही गाउँपालिका अध्यक्ष र उपाध्यक्षमा जसपा विजयी

जनकपुरधाम । सिरहाको औरही गाउँपालिको अध्यक्ष र उपाध्यक्ष दुवै जनता समाजवादी पार्टी (जसपा)ले जितेको छ ।

अध्यक्षमा जसपाका शिवजी यादव विजयी भएका हुन् । उनले निवर्तमान मेयर समेत रहेका नेकपा माओवादी केन्द्रका उम्मेदवार सिद्धार्थ यादवलाई १३७६ मतान्तरले पराजित गरेका हुन् ।

अध्यक्षमा विजयी शिवजीले ३४६० मत ल्याएको निर्वाचन अधिकृतको कार्यालयले जनाएको छ । उनका निकटतम प्रतिस्पर्धी निवर्तमान मेयर सिद्धार्थले २०८४ मत पाएका छन् ।

२०७४ को निर्वाचनमा जसपाबाटै मेयरमा चुनाव लडेका शिवजी मात्र ६ भोटले माओवादीका सिद्धार्थबाटै पराजित भएका थिए । त्यो चुनावमा हारेका शिवजी यसपालि उनै सिद्धार्थलाई १३७६ मतले हराएका हुन् ।

यस्तै उपाध्यक्षमा जसपाकै रेणु यादव विजयी भएकी छन् । उनी ३५५६ मत ल्याएर विजयी हुँदा निकटतम प्रतिस्पर्धी माओवादीकी विनीता कुमारी यादव २०७८ मत पाइन् ।