दिउँसो २ बजेसम्म देशभर ४१ प्रतिशत मतदान
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2022/05/jyestha-nagarik8.jpg)
काठमाडौं । दिउँसो २ बजेसम्म करिब ४१ प्रतिशत मत खसेको निर्वाचन आयोगले जनाएको छ ।
आयोगका अनुसार बिहान ७ बजेदेखि सुरु भएको स्थानीय तह निर्वाचनअन्तर्गत शुक्रवार दिउसो २ बजेसम्म ४२ प्रतिशत मत खसेको हो ।
छिटपुट घटना बाहेक शान्तिपूर्ण तथा उत्साहजनक रूपमा मतदान भइरहेको आयोगका प्रवक्ता शालिग्राम शर्माले नेपाल प्रेसलाई जानकारी दिए ।
प्रवक्ता शर्माकाअनुसार कपिलवस्तुको महाराजगन्ज नगरपालिका र दाङको तुलसीपुर उपमहानगरपालिका वडा नम्बर १७ बाहेकका सबै मतदान केन्द्रमा बिहान ७ बजेदेखि मतदान भइरहेको छ ।
उक्त नगरपालिका र वडामा भने क्रमशः नगर उपप्रमुखका उम्मेदवार र वडा अध्यक्षका उम्मेदवारको उम्मेदवारी दर्ता गरिसकेपछि मृत्यु भएपछि वैशाख ३ गतेका लागि निर्वाचन कार्यतालिका परिवर्तन गरिएको हो ।