जिम्बावे ‘ए’ विरुद्ध टस हारेर पहिला ब्याटिङ गर्दै नेपालः बसिरको सिनियर टिममा डेब्यु

काठमाडौं। जिम्बावे‘ए’विरुद्धको पहिलो टी–२० खेलमा नेपालले टस हारेर पहिला ब्याटिङ गर्ने भएको छ ।
त्रिवि क्रिकेट मैदानमा केहिबेरमा सुरु हुने खेलमा जिम्बावेका कप्तान टोनी मुन्योङेले टस जित्दै पहिला फिल्डिङ गर्ने निर्याय गरेका हुन् ।

नेपालबाट बसिर अहमदले सिनियर टिममा डेब्यु गरेका छन् । यसअघि पहिला शनिबारदेखि एकदिवसिय खेल हुने तालिका थियो ।

तर, वर्षाका कारण पहिलो खेल स्थगित भएपछि नेपाल क्रिकेट संघ (क्यान)ले आइतबार खेलतालिका फेरबदल गर्दै पहिला टी–२० खेल हुने जानकारी दिएको थियो । जिम्बावे ‘ए’ सँग तीन टी–२० खेलपछि नेपालले तीन एकदिवसिय सिरिज पनि खेल्नेछ ।

नेपालको प्लेइङ ११

सन्दीप लामिछाने, आसिफ शेख, रोहित कुमार पौडेल, दिपेन्द्र सिंह ऐरी, आरिफ शेख, मोहमद आदिल आलम, करण केसी, सोम्पाल कामी, कुशल भुर्तेल, अविनास बोहरा, बसिर अहमद