कविता: असल नेताको खाँचो
२०७९ वैशाख १५ गते १२:३२
युगीन बँच्ने अनि बचाउने
असल नेताको छ खाँचो ।
स्वधीन अनि गौरवमय बनाउने
असल नेताको छ खाँचो ।
नेपाल भूमिमा नेपालीपन जगाउने
असल नेताको छ खाँचो ।
मनमा सधैं राष्ट्र जोगाउने
असल नेताको छ खाँचो ।
पूर्खाको वीरतालाई गाँसिरहने
असल नेताको छ खाँचो ।
मेरो होइन हाम्रो बोली बोल्ने
असल नेताको छ खाँचो ।
गङ्गाको मुहान रसाइ रहन दिने (नसुकाउने )
असल नेताको छ खाँचो ।
फलदायी, दूरदृष्टि बाटो लम्काइरहने
असल नेताको छ खाँचो ।
समृद्धि पुस्तौपुस्ता डोहोर्याइने
असल नेताको छ खाँचो ।
जीवनदृष्टि साक्षात बनाउने
असल नेताको छ खाँचो ।
यो देशको भूमिलाई चिनाइरहने
असल नेताको छ खाँचो ।
चन्द्र र सूर्यको त्रिकोणात्मक झण्डा फहराउने
असल नेताको छ खाँचो ।
सुनौला अक्षर शिलामा चम्काइरहने
असल नेताको छ खाँचो ।
देश, देशबासीको सारथि बन्ने
असल नेताको छ खाँचो ।
रणभुल्लमा दास बनाउने होइन, रक्षक बन्ने
असल नेताको छ खाँचो ।
इतिहासको डोबमा नयाँ डोब बनाउने
असल नेताको छ खाँचो ।
प्रकाशित: २०७९ वैशाख १५ गते १२:३२
प्रतिक्रिया
सम्बन्धित खवर
