अमेरिकाकी उपराष्ट्रपति कमला ह्यारिसलाई कोरोना संक्रमण

काठमाडौं । अमेरिकी उपराष्ट्रपति कमला ह्यारिसलाई कोरोना संक्रमण भएको छ । ह्यारिसकी प्रवक्ता क्रिस्टिन एलेनले मंगलबार एक वक्तव्य जारी गर्दै ह्यारिसलाई कोरोना संक्रमण भएको जानाकारी गराएकी हुन् ।

क्रिस्टिनले ह्यारिसलाई कुनै पनि किसिमको लक्षण नदेखिएको भएता पनि र्‍यापिड र पिसिआर परिक्षण गर्दा उनमा संक्रमण देखिएको र हाल उनी निजी निवासमामै आइसोलेसनमा बसेको जानाकारी गराएकी छिन् ।

क्रिस्टिनले हालका दिनहरुमा राष्ट्रपति जो बाइडेनको कार्यव्यस्तताका कारण ह्यारिसको जो बाइडेन र उनकी श्रीमतीसँग ह्यारिसको प्रतक्ष भेटघाट नभएको पनि बताएकी छिन् ।

संक्रमण पस्चात ह्यारिसले पनि आफ्नो सामाजिक संजाल मार्फत आफूमा कोरोना संक्रमण पुष्टी भएको जानाकारी गरएकी छिन् । ह्यारिसले कोरोना विरुद्धको खोप र बुस्टर डोज समेत लगाइसकेकी थिइन् ।

पछिल्लो समय अमेरिकाका अन्य उच्च पदस्त व्यक्तिहरुमा पनि कोरोना संक्रमण देखिएको छ । हालै मात्र ह्यारिसका श्रीमान , अमेरिकी क्याबिनेटका सदस्यहरू तथा सभामुखमा पनि कोरोना संक्रमण देखा परेको थियो ।