विराटनगरको हस्पिटल चोकमा आगलागी, ५० लाख बराबरको क्षति
नेपाल प्रेस
२०७९ वैशाख ६ गते ८:५५
विराटनगर । विराटनगरस्थित हस्पिटल चोकमा आगलागी हुँदा ५० लाख बराबरको क्षति भएको छ। शोभादेवी घिमिरेको घरबाट सल्केको आगोले आसपासका चारवटा पसलमा समेत क्षति पुगेको छ ।
घिमिरेको किराना पसल, विपन राजबंशीको चिया पसल, तुलसीप्रसाद उप्रेतीको कपडा पसल अबान्सु राजबंशीको चिसा पसल जलेर पूर्णरुपमा क्षति भएको मोरङ प्रहरीका प्रवक्ता प्रहरी नायव उपरीक्षक दिपक श्रेष्ठले जानकारी दिए ।
विराटनगर महानगरपालिका दुईवटा, दमक र दुहबी नगरपालिकाबाट आएका दुईवटा दमकल, नेपाल प्रहरी, सशस्त्र प्रहरी, नगर प्रहरीले १ः४० बजे आगो नियन्त्रणमा लिइएको थियो ।
त्यस क्रममा ग्यासको सिलिण्डर पड्केर विराटनगर वारुणयन्त्रमा कार्यरत तीनजना कर्मचारी घाइते भएका छन् ।
नेपाल प्रेस
प्रकाशित: २०७९ वैशाख ६ गते ८:५५
प्रतिक्रिया
सम्बन्धित खवर
