गोकुल बास्कोटाको टिप्प्णीः सभामुखलाई गुरिल्लाको ह्याङओभरले छाडेन (भिडिओ)
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2022/03/gokul-baskota.jpg)
सुर्खेत । नेकपा एमालेका पोलिटब्युरो सदस्य गोकुल बास्कोटाले सभामुख अग्निप्रसाद सापकोटालाई ‘नालायक’ भन्दै गुरिल्लाको ह्याङओभरबाट उम्कन नसकेको टिप्पणी गरेका छन् । ‘उनी सभामुख जस्तो पदमा बसिरहन मिल्ने मान्छे नै होइनन्’, बास्कोटाले भने, ‘सभामुख कुनै पार्टीको हुँदैन, तर उहाँ माओवादीबाट माथि उठ्नै सक्नुभएन ।’
नेपाल खेलकुद महासंघ कर्णाली प्रदेशको पहिले अधिवेशनलाई सम्बोधन गर्न सुर्खेत आइपुगेका बास्कोटाले नेपाल प्रेससँग कुरा गर्दै सभामुखमाथि महाअभियोग लाग्नसक्ने बताएका छन् । उनी भन्छन्– उहाँलाई महाभियोग लगाउन नसक्ने कुरा छैन । हामी प्रतीक्षा गरिरहेका छौं नि त ! उहाँले टोपबहादुर रायमाझीलाई मार हान्न एक सेकेण्ड कुर्नु भएन एमालेका सांसदलाई कारबाही गर्नु भएन, के उहाँ न्यायाधीश हो ?’
माओवादी अध्यक्ष पुष्पकमल दाहाल प्रचण्डले खोलैखोला जान लागेको आफ्नो नेताको हैसियत जोगाउन व्याख्यात्मक टिप्पणी गर्ने भन्दै एमसीसी पारित गराएको आरोप समेत उनले लगाए । नेता बास्कोटाले एमसीसीका विरुद्धमा पहाड सिर्जना गरेर माओवादीले पछि त्यसैलाई समर्थन गरेको बताए ।
उनले एमसीसी परियोजना तोकिएकै समयमा सम्पन्न होस् भन्दै शुभकामना पनि दिए ।
उनले प्रधानन्यायाधीश चोलेन्द्रशमसेर राणाविरुद्ध ल्याइएको महाभियोगबारे एमालेसँग कुनै सल्लाह नभएको बताए ।