एमसीसी पास गरे असंलग्न नीति रहँदैन : चौधरी

काठमाडौं । नेकपा (एकीकृत समाजवादी) का सांसद मेटमणि चौधरीले एसमीसी अनुमोदन गरे नेपालको असंलग्न परराष्ट्र नीति कायम नरहने दावी गरेका छन् ।

‘एमसीसी पास गरे के हामी असंलग्न पराराष्ट्रका पक्षमा हुन सक्छौं रु,’ एमसीसीमाथिको छलफलमा भाग लिँदै चौधरीले भने, ‘हामी पञ्चशिलको रक्षा नीति गर्न सक्छौं ?’

एमसीसी अनुमोदन गर्नु संविधान विपरित रहेको समेत चौधरीको भनाइ छ। ‘एमसीसीलाई संसदबाट पास गर्ने हो भने नेपालको संविधान विपरित हुन्छ,’ उनले भने, ‘यदि यो सहायता वैदेशिक अुदान हो भने संसदबाट अनुमोदनको विषय होइन ।’

चौधरीले परियोजना प्राप्तिका आधारहरुमा नेपाल फेल हुँदा पनि एमसीसी जवरजस्ती दिइएको दावी गरे।