एनआरएनए जापानका संस्थापक अध्यक्षको आपत्तिजनक विज्ञप्ती

जापान । एनआरएनए जापानका संस्थापक अध्यक्ष राजन प्रधानाङ्ग जापानमा कार्यरत पत्रकारलाई लक्षित गरी आपत्तिजनक विज्ञप्ती निकालेका छन्।

एनआरएनए जापानको नयाँ निर्वाचन गराउनका लागि तदर्थ समिति गठन भएको र आफु त्यसको संयोजक रहेको भन्दै निकालिएको विज्ञप्तीमा पत्रकारहरुलाई लान्छाना लगाइएको हो । उनको विज्ञप्तीमा पत्रकारहरुले समाचार सम्प्रेषण गर्दा आर्थिक प्रलोभानमा परेको भन्ने आशय व्यक्त गरिएको छ।

एनआरएनए जापानको निर्वाचनका लागि तदर्थ समिति सक्रिय रहेको भन्दै उनले यस सम्बन्धमा समाचार लेख्दा आर्थिक प्रलोभनमा नपरी, फेसबुकमा मनगणन्ते आक्षेप लगाउने, समाजलाई भाड्ने लेख नलेख्न भनिएको छ । त्यस्तै अन्तिम बुँदामा ‘आफ्नो बिबेकलाई ‘कू’ बनाउने पत्रकार नहुन हार्दिक अनुरोध गर्दछु भनिएको छ।’

उक्त विज्ञप्तीप्रति आपत्ति जनाउदै पत्रकार महासंघ जापानका अध्यक्ष मोहन घलेले अहिलेसम्म कसले पीत पत्रकारिता गर्र्यो? कसले आर्थिक प्रलोभनमा परेर समाचार लेख्यो ? भनेर प्रश्न प्रधानाङ्ग प्रश्न गरेका छन् ।

‘हामीलाई आचार संहिता सिकाउन भन्दा, तपाईका अभियान्ताहरु अनुशासन सिकाउनुहोस्’ नेपाल प्रेससँग कुरा गर्दै उनले भने,‘चोकमा सुनेका कुराको पछि हिडेर महासंघले आफ्नो धराणा बनाउन सक्दैन ।’ उनले प्रधानाङ्गको उक्त विज्ञप्तीले जापानमा क्रियाशील पत्रकारहरुको आत्मसम्मानमा ठेस पुगेको भन्दै तत्काल विज्ञप्ती सच्चाउन आग्रह गरेका छन् ।

विज्ञप्तीका बिषयमा कुरा गर्न प्रधानाङ्गलाइ पटक पटक फोन गर्दा पनि फोन उठेन ।