अखिलले अघि बढायो संगठन विस्तार अभियान

काठमाडौं । एमाले निकट अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु)ले सम्मेलनमार्फत कमिटी निर्माणलाई तीव्र गतिमा अघि बढाएको छ । अनेरास्ववियु त्रिवि जिल्ला कमिटीमातहतका विभाग तथा सेमेस्टर कमिटी निर्माणलाई फागुन ७ गतेदेखि अघि बढाएको हो ।

विश्वविद्यालयका चारवटै संकायमा सम्मेलन हुने अनेरास्ववियु केन्द्रीय कमिटी सचिवालय सदस्य तथा त्रिवि ईन्चाज मदन विष्टले जानकारी दिए ।

संगठन विस्तार अभियानअन्तरगत हालसम्म छात्रावासमा जनक कार्कीको अध्यक्षतामा ३५ सदस्यीय छात्रावास कमिटी गठन गरेको छ । त्यस्तै व्यवस्थापन संकाय तेस्रो वर्षमा प्रशान्त भण्डारीको अध्यक्षतामा ५१ सदस्यीय समेस्टर कमिटी चयन गरेको विष्टले बताए ।

अनेरास्ववियुले स्ववियु निर्वाचनलाई मध्यनजर गर्दै संगठन अभियान अगाडि बढाएको हो । विश्विद्यालयमा भइरहेको मनलाग्दी रोक्न र विद्यार्थीको समस्या समाधान गर्न कमिटीले काम गर्ने विष्टको भनाइ छ ।म्मेलनमार्फत् कमिटी निर्माणको काम फागुन मसान्तभित्र सक्ने उनले जानकारी दिए ।