बार्टी र ओसाका अष्ट्रेलियन ओपनको तेस्रो चरणमा
नेपाल प्रेस
२०७८ माघ ५ गते २०:२८
काठमाडौं । विश्व नम्बर एक एसलेग बार्टी अष्ट्रेलियन ओपनको तेस्रो चरणमा प्रवेश गरेकी छन् ।
बुधबार मेलर्बन पार्कमा भएको दोस्रो चरणको खेलमा विश्व वरियताको १४२औं स्थानकी लुसिया ब्रनजेट्टीलाई ६–२, ६–२ को सोझो सेटमा पराजित गरेकी थिइन् ।
तेस्रो चरणमा बार्टीले विश्व वरियताको ३३औं स्थानकी क्यामिला जियोर्जीसँग भिड्ने पक्का भएको छ । जियार्जीले दोस्रो चरणमा टेरेसा मार्टिनकोभालाई ६–२, ७–६ (७–२) को नतिजामा पराजित गर्दै तेस्रो चरणमा पुगेकि थिइन् ।
यस्तै, जापानी नाओमी ओसाका पनि तेस्रो चरणमा पुगेकि छन् । उनले दोस्रो चरणमा वरियताको ५४औं स्थानकी म्याडिसन ब्रेङ्गललाई ६–०, ६–४ को सेटमा पराजित गर्दै तस्रो चरणमा अमान्डा एनिसिभोसँगको भेट पक्का गरिन् ।
नेपाल प्रेस
प्रकाशित: २०७८ माघ ५ गते २०:२८
प्रतिक्रिया
सम्बन्धित खवर
