माओवादी प्रवक्ताको दाबी– सर्वसम्मत नेतृत्व चयन गर्दै भोलि महाधिवेशन सकिन्छ

काठमाडौं । नेकपा माओवादी केन्द्रको काठमाडौंमा जारी महाधिवेशनबारे मिडिया ब्रिफिङ गर्दै प्रवक्ता कृष्णबहादुर महाराले भोलि महाधिवेशन सकिने दाबी गरेका छन् । ६ दिनदेखि जारी महाधिवेशनले भोलि नै नेतृत्व चयन गर्ने उनले बताए । भोलि नै महाधिवेशन सकिने प्रवक्ता महराको अभिव्यक्तिले नेतृत्व चयनका लागि चुनावी प्रक्रिया नहुने संकेत गरेको छ ।

महाधिवेशनको बन्दसत्रबाट आजै अध्यक्ष पुष्पकमल दाहालले प्रस्तुत गरेको राजनीतिक प्रतिवेदन सर्बसम्मत पारित गरेको छ । महराले भने– अध्यक्ष प्रचण्डको प्रतिवेदनको मूल स्पिरिट ठीक छ भन्ने आयो, सुझावलाई स्वीकार गरेर अघि बढ्ने प्रतिबद्धता व्यक्त गर्नु भएको छ ।

केन्द्रीय सदस्य लेखनाथ न्यौपानेले राखेको फरक मतलाई फरक मतकै रुपमा राख्ने र सम्मानपूर्वक बहस गर्नेगरी प्रतिवेदन सर्बसम्मत पारित भएको महराको भनाइ थियो ।

माओवादीको आजै स्थायी कमिटी बैठक बस्दैछ ।