झापामा रहेका ओलीलाई प्रचण्डले गरे टेलिफोनबाटै निम्ता
नेपाल प्रेस
२०७८ पुष ११ गते १०:२३
फाइल तस्बिर ।
काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले नेकपा एमालेका अध्यक्ष केपी शर्मा ओलीलाई टेलिफोन गरेर पार्टीको आठौं महाधिवेशन उद्घाटन समारोहमा आएर शुभकामना दिन आग्रह गरेका छन् ।
तर पार्टीका विभिन्न कार्यक्रमको सिलसिलामा गृहजिल्ला झापा पुगेका ओलीले आफू आउन नसक्ने जवाफ प्रचण्डलाई दिएका छन् ।
माओवादीले राष्ट्रिय सम्मेलनलाई महाधिवेशनमा परिणत गर्ने निर्णय गर्दा ओली झापा पुगिसकेका थिए ।
ओलीले प्रचण्डलाई महाधिवेशनको शुभकामना दिँदै आफू आउन नसक्ने बताएको प्रचण्डको सचिवालयले जनाएको छ ।
नेकपा विभाजनपछि दुई पटक केपी ओलीले टेलिफोन गरे पनि प्रचण्डले ओलीलाई सम्पर्क गरेको यो पहिलो पटक हो । एमालेको तर्फबाट महासचिव शंकर पोखरेलले माओवादी महाधिवेशनलाई शुभकामना दिने बताइएको छ ।
नेपाल प्रेस
प्रकाशित: २०७८ पुष ११ गते १०:२३
प्रतिक्रिया
सम्बन्धित खवर
नेपाल अपडेट
ट्रेन्डिङ
लोकप्रिय (यो साता)
