खुमबहादुर खड्काकी पत्नी शिलाद्वारा केन्द्रीय सदस्यमा उम्मेदवारी घोषणा – Nepal Press

खुमबहादुर खड्काकी पत्नी शिलाद्वारा केन्द्रीय सदस्यमा उम्मेदवारी घोषणा

दाङ । नेपाली कांग्रेसकी नेतृ एवम् पूर्वसांसद शिला गौतम खड्काले केन्द्रीय सदस्य पदमा उम्मेदवारी घोषणा गरेकी छिन् ।

कांग्रेसको १४औँ महाधिवेशनमा नेतृ खड्काले केन्द्रीय सदस्य पदमा उम्मेदवारी दिने जनाएकी हुन् । उनले केन्द्रीय सदस्य पदमा उम्मेदवारी दिएर कांग्रेसको संगठन निर्माणमा काम गर्ने बताएकी छिन् ।

कांग्रेसको केन्द्रीय सदस्यसमेत रहेकी नेतृ खड्काले पुनः केन्द्रीय कार्यसमितिमा रहेर कांग्रेस र कार्यकर्ताको पक्षमा काम गर्ने योजना रहेको बताएकी छिन् ।

‘सबैको सरसल्लाहमा केन्द्रीय सदस्य पदमा उम्मेदवारी दिने निर्णयमा पुगेको छु’, उनले भनेकी छिन्, ‘कांग्रेसलाई ठूलो पार्टी बनाएर एकलौटी सरकार बनाउन सबैले पहल गर्नुपर्छ ।’

कांग्रेसका नेता स्व.खुमबहादुर खड्काकी धर्मपत्नी समेत रहेकी नेतृ खड्काले आफूलाई कांग्रेसको राजनीतिमा सक्रिय बनाउँदै आएकी छिन् ।

कांग्रेस नेतृ खड्का सभापति शेरबहादुर देउवा निकट मानिन्छिन् । उनले सभापति पदमा देउवालाई साथ दिनेछिन् ।

नेता स्व. खुमबहादुर खड्काका छोरा अनुराग खड्का पनि कांग्रेसको राजनीतिमा सक्रिय छन् । गृहजिल्ला दाङबाट युवा नेता खड्का महाधिवेशन प्रतिनिधिमा लोकप्रिय मतसहित निर्वाचित भएका थिए ।

दाङ कांग्रेसको अधिवेशनमा नेतृ खड्का दाङको देउखुरीस्थित सतबरीयामा रहेको निवासमा बसेर सक्रियता जनाएकी थिइन् । नेतृ खड्कालाई दाङ कांग्रेसका नेता कार्यकर्ताले साथ दिएका छन् ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर