२३८ कोरोना संक्रमित थपिँदा ३९२ जना डिस्चार्ज

काठमाडौं । नेपालमा आज थप २३८ जना कोरोना भाइरसका संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार ६ हजार ७९७ जनाको परीक्षण गर्दा सो संख्यामा संक्रमित थपिएका छन् ।

पीसीआर विधिबाट ५ हजार २९५ परीक्षण हुँदा २२० र १५ सय २ एन्टीजेन परीक्षण हुँदा १८ जनामा संक्रमण पुष्टि भएको हो ।

यस्तै शनिबार थप ३९२ जना संक्रमित निको भएर घर फर्किएका छन् ।

मन्त्रालयले थप ५ जनाको कोरोनाबाट मृत्यु भएको जनाएको छ ।

शनिबार देशभरी ६ हजार ७४४ सक्रिय संक्रमित रहेका छन् ।