आइतबार ३७० जना निको हुँदा २३८ जना कोरोना संक्रमित थपिए

काठमाडौं । पछिल्लो २४ घण्टामा आइतबार मुलुकमा २३८ जना कोरोनाभाइरस संक्रमित थपिएका छन्। स्वास्थ्य तथा जनसंख्या मन्त्रालयका अनुसार देशभर गरिएको ७ हजार ८४५ पीसीआर र १२ सय ७८ जनाको एन्टीजेन परीक्षण गर्दा २३८ जनामा संक्रमण पुष्टि भएको हो ।

पछिल्लो २४ घण्टामा ३७० जना संक्रमणमुक्त भएका छन् भने १ जनाको मृत्यु भएको छ । गत २४ घण्टामा४० हजार १४ जनाले कोभिडविरुद्धको खोप लगाएका छन् ।

अहिलेसम्म ७ हजार १६४ जना संक्रिय संक्रमित छन् । मन्त्रालयका अनुसार कुल संक्रमितको संख्या ९ लाख भन्दा बढी पुगेको छ भने ८ लाख भन्दा बढी निको भएका छन् ।

नेपालमा दैनिक कोरोना संक्रमणदर २.६ प्रतिशत छ । मृत्युदर १.४ प्रतिशत छ निको हुनेको दर भने ९७.७ प्रतिशत छ ।