उपकप्तान सीताको अर्धशतकमा नेपालद्वारा कतारलाई १६५ रनको लक्ष्य
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2021/11/258216457_260989066057481_2658252900266538514_n.jpg)
काठमाडौं । उपकप्तान सीता रानामगरको अर्धशतक प्रेरित टी–२० अन्तर्राष्ट्रिय शृंखलाअन्तगर्त कतारविरुद्धको अन्तिम खेलमा नेपालले कतारलाई १ सय ६४ रनको लक्ष्य दिएको छ । दोहाको वेस्टइन्ड पार्क अन्तर्राष्ट्रिय क्रिकेट स्टेडियममा बिहीबार जारी तेस्रो तथा अन्तिम खेलमा नेपालले ३ विकेट गुमाएर १ सय ६४ रनको योगफल तयार पारेको हो ।
नेपालका लागि ओपनिङमा आएकी सीताले ७२ बलमा अविजित ८२ रन जोडिन् । टस जितेर ब्याटिङ रोजेको नेपालका लागि काजल श्रेष्ठ ७ तथा ज्योति पाण्डे २४ रन बनाएर पेभेलियन फर्केका थिए । त्यस्तै, डोली भट्टले १२ तथा सरिता मगरले अविजित १७ रन जोडिन् ।
कतारका लागि एन्जेलिन मेर र साची डडुवाल र आयसाले १/१ विकेट लिएका छन् । यसअघिका दुई खेलमा शानदार जित निकालेको नेपालले एक खेल अगावै शृंखला आफ्नो पक्षमा पारिसकेको छ ।
आईसीसी विश्वपको एसियाली छनोटको तयारीका लागि मिडिल इस्ट भ्रमणमा रहेको नेपाल भोलि उतैबाट युएई जानेछ ।