अनलाइन मार्फत् ठगी गर्ने युवक गैरीधाराबाट पक्राउ
नेपाल प्रेस
२०७८ कार्तिक २९ गते १३:४४
काठमाडौं । महानगरीय अपराध महाशाखाले अनलाइन मार्फत् ठगी गर्ने युवकलाई १९ लाख सहित पक्राउ गरेको छ ।
प्रहरीले काठमाडौं नेपालटार बस्ने रुकुम रन्मामैमकोट गाउँपालिका-३ का २३ वर्षीय विकास गुरुङलाई ठगी गरेको नगद १९ लाख ६० हजार रुपैयाँ सहित शुक्रबार दिउँसो पक्राउ गरेको हो ।
विकासले वाटस्एप प्रयोगकर्ताहरूको मोबाइलमा सम्पर्क गरी चिठ्ठा परेको, विदेशबाट सामानरपार्सल आएको भन्दै उक्त सामान लिन र चिठ्ठामा दावी भुक्तानी लिन कर तिर्नु पर्ने भनी झुट्टा बहाना बनाई कर बापतको रकम विभिन्न व्यक्तिको बैंक खातामा जम्मा गर्न लगाएर ठगी गर्ने गर्थे ।
महाशाखाको टोलीले उनलाई काठमाडौं गैरीधाराबाट उक्त रकमसहित पक्राउ गरेको हो । उनलाई थप अनुसन्धानका लागि महानगरीय प्रहरी परिसर काठमाडौं पठाईएको उक्त महाशाखाले जनाएको छ ।
नेपाल प्रेस
प्रकाशित: २०७८ कार्तिक २९ गते १३:४४
प्रतिक्रिया
सम्बन्धित खवर
