प्रधानमन्त्री पत्नीद्वारा जापानमा राजनीतिक तथा कूटनीतिक भेटवार्ता

टोकियो । प्रधानमन्त्री पत्नी आरजु राणाले जापान भ्रमणको क्रममा राजनीतिक तथा कूटनीतिक भेटघाटलाई तीव्रता दिएकी छिन् । उनले आज राजधानी टोकियोमा लिबरल डेमोक्रेटिक पार्टीको मुख्यालयमा विशिष्ट व्यक्तिहरूसँग भेटवार्ता गरेकी छन् ।

उक्त अवसरमा जापान–नेपाल संसदीय मैत्री संघका अध्यक्ष तोसिहिरो निकाइसँग भेटवार्ता गरेकी छिन् । कोरोनाभाइरसको दोस्रो लहरको बेला महामारीविरुद्ध जापानले नेपाललाई उपलब्ध गराएको अस्ट्राजेनेका खोपसहितको सहायताप्रति राणाले धन्यवाद दिएकी छिन् । जलवायु परिवर्तन, विपद् व्यवस्थापन र शिक्षा क्षेत्रमा सहकार्य लगायतका साझा चासोबारे छलफल समेत जनाइएको छ ।

राणाले सो बैठकमा लिबरल डेमोक्रेटिक पार्टीका अन्तर्राष्ट्रिय ब्यूरोका पूर्वप्रमुख रिउजी कोइजुमी, अन्तर्राष्ट्रिय व्यूरोका निर्देशक कात्सुइ हिरासावा, मुख्य सचिव, जापानको प्रकृति संरक्षक संघका अध्यक्ष लगायतलाई भेटेकी थिइन् ।