रसुवाको क्रियाशील विवाद टुंगियो, अब रौतहटको बाँकी
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2021/07/nepali-congress-office-sanepa.jpg)
काठमाडौं । नेपाली कांग्रेस रसुवाको क्रियाशील सदस्यता विवाद टुंगिएको छ । १४ औं महाधिवेशनका लागि अब रौतहटको मात्रै क्रियाशील सदस्यता विवाद मात्रै टुंगो लाग्न बाँकी छ ।
रसुवामा नयाँ शक्तिबाट कांग्रेस प्रवेश गरेकालाई क्रियाशील सदस्यता दिने विषयमा विवाद रहेको थियो । कांग्रेस केन्द्रीय कार्यालयका अनुसार रसुवा जिल्लाको कुल क्रियाशील सदस्य संख्या ३ हजार ८ सय ५७ हुनेगरी विवाद समाधान गरिएको हो ।
वडा अधिवेशन हुन बाँकी रहेका जिल्लामा कात्तिक २७ गते वडा अधिवेशन हुँदैछन् । अब रसुवामा पनि सोही मितिमा वडा अधिवेशन गर्ने तयारी छ ।
कांग्रेस केन्द्रीय कार्यालयले रौतहटको विवाद समाधानका लागि पनि छलफल भइरहेको जनाएको छ ।