धान उत्पादक किसानलाई राहत र क्षतिपूर्ति दिन किसान महासंघको माग

काठमाडौं । नेकपा एमाले आबद्ध अखिल नेपाल किसान महासंघले वर्षा र डुबानका कारण अर्बौंको धानबाली नष्ट भएको भन्दै धान उत्पादक किसानलाई राहत र क्षतिपूर्ति प्रदान गर्न माग गरेको छ ।

महासंघका अध्यक्ष प्रेम दंगालले वर्षा, बाढी र डुवानले धानमा भएको क्षतिको यथार्थ विवरण संकलन गरी धान उत्पादक किसानलाई राहत र क्षतिपूर्ति प्रदान गर्न सरकारको ध्यानाकर्षण गराएका छन् ।

दंगालले विज्ञप्तिमा भनेका छन्– किसानको व्यवसाय पुनस्र्थापनासमेतका विभिन्न अल्पकालीन र दीर्घकालीन प्याकेज कार्यक्रम अविलम्व घोषणा गर्न नेपाल सरकारसमक्ष माग गर्दछ । धान उत्पादन गर्ने किसानमाथि परेको यो प्राकृतिक विपत्तिमा साथ सहयोग गर्न सम्पूर्ण सरोकारवाला निकायहरुसमक्ष अखिल नेपाल किसान महासंघ हार्दिक अपील गर्दछ ।

वर्षासमेत बाढी र डुवानका कारण भित्र्याउने अवस्थामा रहेको ठुलो पैमानाको धान खेतमै नष्ट भएको धान थन्काउने वेलाको वेमौसमी वर्षाले खेतमा काटेर राखेको धान वा काट्ने अवस्थामा रहेको धानमासमेत नोक्सानी भएको महासंघले जनाएको छ ।

धान थन्काउने समयमा अप्रत्याशित रुपमा भएको अविरल बर्षा, बाढी र डुवानले किसानसमेत मुलुकको अर्थतन्त्रले क्षति व्यहोर्नु परेको भन्दै महासंघले मुलुकको प्रमुख खाद्यवालीको रुपमा रहेको धानमा भएको यस प्रकारको क्षतिले खाद्य सुरक्षामा समेत आँच आउन सक्ने चेतावनी दिएको छ ।