आफ्नै श्रीमतीलाई वेचेर भारतको बेश्यालयमा पुर्याउने तामाङसहित २ जना पक्राउ – Nepal Press

आफ्नै श्रीमतीलाई वेचेर भारतको बेश्यालयमा पुर्याउने तामाङसहित २ जना पक्राउ

काठमाडौं । आफ्नै श्रीमतीलाई वेखविखन गरेर भारतको बेश्यालयमा पुर्याउने गर्ने श्रीमानसहित २ जना पक्राउ परेका छन् । मानव बेचविखन अनुसन्धान ब्यूरोले काठमाडौं महानगरपालिका वडा नम्बर २६ का पीडितका श्रीमान चन्द्रबहादुर तामाङ र बेचविखनमा संलग्न नुवाकोट दुप्चेश्चर गाउँपालिका १ का पासाङ तामाङलाई पक्राउ गरेको हो ।

उनिहरुलाई काठमाण्डौ जिल्ला अदालतबाट म्याद थप गरेर अनुसन्धान कार्य जारी रहेको तथा अन्य फरार प्रतिवादीको खोजी कार्य जारी रहेको व्यूरोका प्रवक्ता एवम सूचना अधिकारीसमेत रहेका प्रहरी उपरीक्षक (एसपी) अनुराजकुमार द्धिवेदीले नेपाल प्रेसलाई जानकारी दिए । पक्राउ परेका दुइजनामाथी मानव बेचबिखन तथा ओसारपसार (नियन्त्रण) ऐन,२०६४ अनुसार कारवाही हुनेछ ।

यसरी बेचिएकी थिइन पीडित महिला
काठमाडौंको बबरमहलका २६ वर्षका नाम परिवर्तित उशा र ३४ बर्षका बबरमहलका चन्द्रबहादुर तामाङविच प्रेम सम्बन्धबाट बिवाह भएको हो । उनीहरुबाट ५ जना छोरा छोरीको जन्म भइसकेको थियो । उनै श्रीमान तामाङले श्रीमती उशालाई २०७१ सालमा एक लाख ६० हजार रुपैयाँ लिएर पासाङ तामाङलाई जिम्मा लगाए । पासाङ तामाङ्गले काम लगाई दिन्छु भनेर बालाजुको होटलमा लगेर एक महिलाको जिम्मा लगाए । उक्त महिलाले घरयासी काममा लगाई मासिक १० हजार दिने बहानामा आफ्नो कोठामा लिएर ३ दिनसम्म राखेर आफ्नै भिनाजु भनिएका व्यक्तिलाई बोलाएर जिम्मा लगाइन ।

भिनाजु भनिने व्यक्तिले सुनौली नाका हुँदै रेलमा राखेर भारतको नयाँदिल्लीस्थित म्हेण्डो तामाङको घरमा पुर्याए । म्हेण्डो तामाङले ३ दिनसम्म आफ्नो घरमा राखि एक जना मान्छेको जिम्मा लगाएर भारतको आग्रामा रहेको बेश्यालयमा पुर्याएर ८ महिनासम्म जबरजस्ती बेश्याबृत्तिमा लगाए । फेरी दाई लिन आएको भन्दै झुक्याएर म्हेण्डो तामाङको घरमा लिएर ६४ नम्बर गल्लीमा रहेको कोठीमा राखेर बेश्याबृत्तिमा लगाए ।

पीडित महिला नेपाली राजदुतावास र शक्ती समुहको सहयोगमा गत जेठ ३१ गते नेपाल फर्किन सफल भएकी हुन् । नेपाल फर्किएपछि गत भदौ १ गते पीडित महिलाले मानव वेचबिखन अनुसन्धान व्यूरोमा मानव बेचबिखन तथा ओसारपसार सम्बन्धी कसुर मुद्दामा जाहेरी दरखास्त दिएकी थिईन । उक्त मुद्दा दर्ता भएपछि असोज १३ गतेका दिन फरार रहेका चन्द्रबहादुर तामाङ र असोज १४ गते पासाङ तामाङला व्युरोको टोलीले पक्राउ गरेको हो ।


प्रतिक्रिया

Leave a Reply

Your email address will not be published. Required fields are marked *