मंगलबार ११ सय कोभिड संक्रमित थपिए, १२ जनाको मृत्यु

काठमाडौं । पछिल्लो २४ घण्टामा मंगलबार देशभर ११ सय ५८ जनामा कोभिड संक्रमण पुष्टि भएको छ । १४ हजार ००३ वटा नमुना परीक्षण गर्दा (पीसीआर ११,६७२ तथा एन्टीजेन २,३३१) ती संक्रमित थपिएका हुन् ।

सोही अवधिमा १,३१८ जना निको भएका छन् भने थप १२ जनाको मृत्यु भएको छ । गत २४ घण्टामा २ लाख ८ हजार ९० जनाले कोभिड–१९ विरुद्धको खोप लगाएका छन् ।

मन्त्रालयका अनुसार हालसम्म मुलुकमा १८ हजार ४२२ जना सक्रिय संक्रमित छन् ।

नेपालमा कूल ७ लाख भन्दा बढी कोरोनाभाइरस संक्रमित छन् भने ११ हजार ११५ जनाले ज्यान गुमाएका छन् ।

अहिलेसम्म आईसीयूमा ३६४ जना, भेन्टिलेटरमा १२० जना, होम आइसोलेशनमा १७,१२५ जना, संस्थागत आइसोलेशनमा १२९७ र क्वारेन्टाइनमा ३२८ जना रहेको तथ्यांकमा उल्लेख छ ।

मन्त्रालयको अनुसार नेपालमा कोरोनाभाइरसको दैनिक संक्रमणदर ८.२ प्रतिशत छ भने मृत्युदर १.४ प्रतिशत छ । मुलुकमा निको हुनेको दर ९६.३ प्रतिशत छ ।