माउन्टेन फ्लाइटबाट क्रिकेटर शाहिदले गरे हिमश्रृंखला अवलोकन

काठमाडौं । एभरेष्ट प्रिमियर लिग (ईपीएल) टी-२० खेल्न नेपाल आएका पाकिस्तानका पूर्वक्याप्टेन क्रिकेटर शाहिदद अफ्रिदीले माउन्टेन फ्लाइट गरेका छन् ।

अफ्रिदीले यती एयरलाइन्सको माउन्टेन फ्लाइटबाट सगरमाथालगायतका हिम श्रृंखलाको अवलोकन गरेका हुन् । उनले पुन: आफू परिवारसँग नेपाल भ्रमणमा आउने बताएका छन् ।

कोरोना माहामारीको दोस्रो लहरसँगै यतीले बन्द गरेको माउन्टेन फ्लाइट पुन: संचालन गरेको हो । कम्पनीका अनुसार माउन्टेन फ्लाइटमा सगरमाथासहित दुई दर्जन हिमालहरू हेर्न सकिन्छ ।

आजको उडानमा ४४ यात्रु रहेको कम्पनीका प्रवक्ता सुदर्शन बर्तौलाले बताए । यतीले माउन्टेन फ्लाइटका लागि ८ हजार ८४८ मा दुईवटा टिकट प्राप्त गर्न सकिने जनाएको छ ।