सिकन्दर राजाको अर्धशतकमा चितवनलाई १५२ रनको लक्ष्य – Nepal Press

सिकन्दर राजाको अर्धशतकमा चितवनलाई १५२ रनको लक्ष्य

काठमाडौं । एभरेष्ट प्रिमियर लिग (ईपीएल) अन्तर्गत जारी खेलमा सिकन्दर राजाको अर्धशतकमा विराटनगर वारियर्सले चितवन टाइगर्सलाई १५२ रनको लक्ष्य दिएको छ ।

त्रिवि क्रिकेट मैदानमा टस हारेर ब्याटिङको निम्तो पाएको विराटनगरले २० ओभरमा ९ विकेट गुमाएर १ सय ५१ रनको योगफल तयार गर्‍यो ।

खराब सुरुआत गरेको विराटनगरका लागि पाँचौ नम्बरमा ब्याटिङमा उत्रिएका सिकन्दर राजाले सौरभ खनालसँग ५१ रनको साझेदारी गर्दै ४७ बलमा २ चौका र ७ छक्कासहित ६७ रनको उत्कृष्ट इनिङ खेले । विराटनगरका लागि अनिल साहले ३१ बलमा ३ चौका र १ छक्कासहित ३२ रन बनाए । विराटनगरका ओपनर आसिफ सेख गोल्डेन डकआउट हुँदा चन्द्रपल हेमराज २ रनमा पेभिलियन फर्किए ।

त्यस्तै सौरभ खनाल ३० र अनिल खरेल शून्यमा अविजित रहँदा अन्य खेलाडीले उल्लेख्य प्रदर्शन गर्न सकेनन् ।

चितवनका लागि सोम्पाल कामी, कमल ऐरि, कारिम जनत र सागर ढकालले समान २ विकेट लिए । त्यस्तै साहव अलामले १ विकेट लिए ।


प्रतिक्रिया

Leave a Reply

Your email address will not be published. Required fields are marked *