नेकपा एसको पदाधिकारीमा तीनजना थपिए, युवा पुस्तालाई पनि अघि सारियो (सूचीसहित) – Nepal Press

नेकपा एसको पदाधिकारीमा तीनजना थपिए, युवा पुस्तालाई पनि अघि सारियो (सूचीसहित)

काठमाडौं । नेकपा (एकीकृत समाजवादी) को पहिलो केन्द्रीय कमिटी बैठकले नेताहरूको कार्यविभाजन गरेको छ । तीनदिन सम्म चलेर बिहीवार सकिएको बैठकले पदाधिकारीसमेत चयन गरेको छ ।

अध्यक्ष, वरिष्ठ नेता, नेतासहित १८ जनाको पदाधिकारी बनाइएको छ। पदाधिकारीमा केही नयाँ अनुहार पनि समेटिएका छन् भने आधिकांश पुरानै छन् । उपमहासचिवमा रहेका प्रकाश ज्वाला, गंगालाल तुलाधर र विजय पौडेल नयाँ अनुहार हुन् ।

युवा पुस्ताबाट जगन्नाथ खतिवडा, राजेन्द्रकुमार राई र रामकुमारी झाँक्रीलाई सचिवको जिम्मेवारी दिइएको छ । प्रदेश १ को संसदीय दलको नेतासमेत रहेका राजेन्द्र यसअघि भने सचिवमा समेटिएका थिएनन् ।

उपाध्यक्ष राजेन्द्र पाण्डेले नेपाल प्रेसलाई उपलब्ध गरेको विवरणमा सचिवहरूमा झाँक्री, खतिवडा, चौधरी, केशवलाल श्रेष्ठको थियो । उपाध्यक्ष पनि चारजना मात्रै प्रस्तावित गरिएको थियो ।

तर, अन्तिम समयमा आएर प्रस्तावित नामहरूमा परिवर्तन गरिएको हो । नेताहरूको व्यवस्थापनका लागि पदाधिकारीहरू पनि थपिएको हो ।

अहिले ७ उपाध्यक्ष रहने व्यवस्था गरिएको छ । उपाध्यक्षमा केदार न्यौपाने, घनेन्द्र बस्नेत थपिएका छन् । त्यस्तै सचिवमा रहेका केशवलाल श्रेष्ठलाई पनि उपाध्यक्ष बनाइएको छ ।

श्रेष्ठको ठाउँमा राजेन्द्र राईलाई ल्याइएको हो । रामकुमारी झाँक्री सचिवमा हुँदा उनीभन्दा सिनियर र दुई-दुई पटक अनेरास्ववियू अध्यक्ष भएका राईलाई छुटाइएको भन्दै असन्तुष्टी बढेको थियो ।

नेकपा एसको पदाधिकारीमा मुकुन्द न्यौपानेलाई नेता राखिएको छ । वरीयतामा उनलाई तेस्रो नम्बरमा राखिएको छ । पदाधिकारीमा नेता राख्ने प्रचलन नेपालका राजनीतिक पार्टीहरूमा खासै अभ्यासमा छैन ।

यी हुन नेकपा एसका पदाधिकारी :

अध्यक्ष- माधवकुमार नेपाल

वरिष्ठ नेता- झलनाथ खनाल

नेता- मुकुन्द न्यौपाने

उपाध्यक्ष- राजेन्द्र पाण्डे

उपाध्यक्ष- प्रमेश हमाल

उपाध्यक्ष- घनेन्द्र बस्नेत

उपाध्यक्ष- केदार न्यौपाने

उपाध्यक्ष-केशवलाल श्रेष्ठ

उपाध्यक्ष-धर्मनाथप्रसाद साह

उपाध्यक्ष- जयन्ती राई

महासचिव- डा. बेदुराम भुसाल

उपमहासचिव- प्रकाश ज्वाला

उपमहासचिव- डा. गंगालाल तुलाधर

उपमहासचिव- डा. विजय पौडेल

सचिव- नागेन्द्रप्रसाद चौधरी

सचिव- जगन्नाथ खतिवडा

सचिव- राजेन्द्रकुमार राई

सचिव- रामकुमारी झाँक्री


प्रतिक्रिया

Leave a Reply

Your email address will not be published. Required fields are marked *

सम्बन्धित खवर