डडेल्धुरामा फेरि अधिवेशन हुने सम्भावना म देख्दिन : महामन्त्री कोइराला – Nepal Press

डडेल्धुरामा फेरि अधिवेशन हुने सम्भावना म देख्दिन : महामन्त्री कोइराला

काठमाडौं । नेपाली कांग्रेसका महामन्त्री डा. शशांक कोइरालाले डडेल्धुरामा पुनः अधिवेशन हुने सम्भावना आफूले नदेखेको बताएका छन् ।

केन्द्रीय निर्वाचन समितिका पदाधिकारीसँगको छलफलबाट बाहिरिने क्रममा सञ्चारकर्मीसँग कुराकानी गर्दै महामन्त्री कोइरालाले डडेल्धुरामा गल्ती भए पनि पुनः अधिवेशन हुने सम्भावना नदेखेको बताए ।

‘हामीले डडेल्धुरामा मनपरी भयो भनेर निर्वाचन समितिलाई ध्यानाकर्षण गरायौं । निर्वाचन समितिले पनि केही कमजोरी स्वीकार गर्‍यो तर पुनः अधिवेशन हुने सम्भावना म देख्दिन’, कोइरालाले भने । उनले प्रहरी प्रशासन लगाएर बलपूर्वक वडा अधिवेशन गरिएको भएपनि पुनः अधिवेशन गराउने विषय सहज नभएको बताए ।

महामन्त्री कोइरालाले पुनः अधिवेशनको सम्भावना नरहेको बताए पनि संस्थापन इतर पक्षले डडेल्धुरा अधिवेशन अस्वीकार गर्ने बताउँदै पुनः अधिवेशन माग गर्दै आएको छ ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर