नेपाल र बंगलादेशकाे महिला टोलीबीच मैत्रीपूर्ण फुटबल आज – Nepal Press

नेपाल र बंगलादेशकाे महिला टोलीबीच मैत्रीपूर्ण फुटबल आज

काठमाडौं । नेपालले बंगलादेशको राष्ट्रिय टोलीसँग पहिलो मैत्रीपूर्ण खेल आज खेल्दैछ । यो खेल साँझ ५ बजे दशरथ रंगशालामा सुरु हुनेछ ।

नेपाल र बंगलादेश दुवै एएफसी महिला एसियन कप छनोटको तयारीमा छन् । तयारीलाई अन्तिम रुप दिन बंगलादेश २ मैत्रीपूर्ण खेलका लागि नेपाल आएको हो । अर्को खेल आइतबार हुनेछ ।

भारतमा सन् २०२२ मा हुने महिला एसियन कपमा छनोट हुन नेपालले उज्वेकिस्तानमा असोजमा हुने छनोट प्रतियोगिता पार गर्नुपर्नेछ । नेपालले असोज ३ गते फिलिपिन्स र असोज ५ गते हङकङसँग खेल्दैछ ।

नेपाली टोलीमा कीर्तिमानी स्ट्राइकर सावित्रा भण्डारीको अनुपस्थिति विपक्षीका लागि केहि सहज हुनेछ । बंगलादेशका प्रशिक्षकले बुधबारको पत्रकार सम्मेलनमै यो कुरा बताइसकेका छन् ।

नेपालका प्रशिक्षक ग्यारी फिलिप्सले सावित्रा हुँदा घाटा हुने भए पनि टिमका अन्य खेलाडीले राम्रो अवसर पाएको बताए । उनले आफ्ना सबै खेलाडी उत्कृष्ट रहेको दावी गरे ।

एसियन कप छनोटमा बंगलादेश समूह जी मा छ ।

प्रतिक्रिया

Leave a Reply

Your email address will not be published. Required fields are marked *