सुरेन्द्र पाण्डेको आँकलन- माधव नेपाल फुट्दा एमालेलाई ५ देखि १० प्रतिशत क्षति – Nepal Press

सुरेन्द्र पाण्डेको आँकलन- माधव नेपाल फुट्दा एमालेलाई ५ देखि १० प्रतिशत क्षति

पोखरा । नेकपा एमालेका नेता सुरेन्द्र पाण्डेले माधव नेपाल समूहको फुटका कारण एमालेलाई ५ देखि १० प्रतिशतसम्म क्षति पुग्ने आँकलन गरेका छन् । पोखरामा मंगलबार आयोजित एमालेको भेलालाई सम्बोधन गर्दै पाण्डेले औसत ५ प्रतिशत नोक्सान हुने बताए ।

पाण्डेले भने, ‘देशैभरिका स्थिति हेर्दा ५ देखि १० प्रतिशतमात्र एमालेलाई नोक्सान हुन सक्छ । तर पनि हामी यसलाई कभर गर्छौं । जति तल गयो त्यति मतदाता लेभलसम्म पुग्दा माधव नेपालजीहरूको पार्टी छैन ।’

पाण्डेले एमालेलाई छिन्नभिन्न पार्ने खेल माओवादी भित्रिएपछि शुरू भएको भन्दै आफूहरू एमाले एकताका पक्षमा उभिएका कारण माधव नेपालसँग न्यून संख्यामा मान्छे गएको बताए ।

माधव नेपालले अझै पनि एमालेमा फर्किएमा क्षमादान हुन सक्ने भन्दै पार्टी फुटाएर गम्भीर गल्ती गरेको आरोप पाण्डेले लगाए । आफैंले गठन गरेको कार्यदलप्रति पनि विश्वास नगरी माधव नेपाल अन्यत्रैबाट चलेको उनको आशंका छ ।

अध्यक्ष केपी ओलीसहित पाण्डे पोखरामा गएका हुन् । उनी तत्कालीन माधव नेपाल समूहको समानान्तर अभ्यासका बेला गण्डकी प्रदेशको इन्चार्जको भूमिकामा थिए ।

प्रतिक्रिया

Leave a Reply

Your email address will not be published.

सम्बन्धित खवर