पिएनजीविरुद्ध सन्दीपको चार विकेट – Nepal Press

पिएनजीविरुद्ध सन्दीपको चार विकेट

काठमाडौं । नेपाली राष्ट्रिय टोलीका स्टार स्पीनर सन्दीप लामिछानेले पपुवा न्युगिनीविरुद्ध ओमानमा जारी एकदिवसीय अन्तर्राष्ट्रिय क्रिकेटमा चार विकेट लिएका छन् ।
ओमानको अल अमेरत क्रिकेट मैदानमा जारी खेलमा टस हारेर फिल्डिङको निम्तो पाएको नेपालले पिएनजीलाई ३३ ओभरको समाप्तिमा १३४ रनमा अल आउट गरेको थियो । नेपालको शानदार फिल्डिङमा उत्कृष्ट बलिङ गरेका सन्दीपले १० ओभरमा ३५ रन खर्चेर चार विकेट लिए  ।
सन्दीपले पिएनजीका लागि २३ रन बनाएका चार्ल्स अमिनीलाई आशिफ शेखको हातबाट क्याच आउट गराएका थिए । यस्तै, सेसे बाउलाई पनि कुशल मल्लको हातबाट क्याच आउट गराएका थिए । जसवन किला र नोसेइना पोकनालाई एलबी डब्लू धरापमा पारेका सन्दीपले सर्वाधिक चार विकेट लिन सफल भएका थिए ।
अमेरिका-ओमान- नेपालको तयारी स्वरुप तय भएका दुई ओडीआईमध्ये अहिले जारी पहिलो खेल हो । पिएनजीसँगै शुक्रबार दोस्रो एकदिवसीय हुनेछ ।
प्रतिक्रिया

Leave a Reply

Your email address will not be published. Required fields are marked *

सम्बन्धित खवर