खानेतेलको मूल्यवृद्धिबारे वाणिज्य विभागको चासो, मूल्य घटाउन उद्योगीसँग छलफल – Nepal Press

खानेतेलको मूल्यवृद्धिबारे वाणिज्य विभागको चासो, मूल्य घटाउन उद्योगीसँग छलफल

काठमाडौं । पछिल्लो समय खाने तेलको मूल्य अत्यधिक बढेपछि वाणिज्य आपूर्ती तथा उपभोक्ता संरक्षण विभागले मूल्य घटाउने विषयमा तेल उद्योगीहरुसँग छलफल थालेको छ ।

एक वर्षमै प्रतिलिटर खानेतेलको मूल्य सय रुपैयाँभन्दा बढी बढेपछि विभागले तेल उत्पादन गर्ने २० उद्योगीसँग मूल्य बढ्नुको कारण र घटाउने उपायबारे छलफल थालेको हो ।

नेपालमा अहिले २० उद्योगले खानेतेल उत्पदन एवम् प्रशोधन गरिरहेको छ भने दुई उद्योग स्थापनाको चरणमा छन् ।

नेपालमा खानेतेलको मूल्य अस्वभाविक बढिरहेको छ तर नेपालमा उत्पादन भएको तेल निर्यात पनि भइरहेको छ ।

तेलको मूल्यवृद्धिबारे विभागले बिहीबार आयोजना गरेको छलफलमा १९ उद्योगी सहभागी थिए । विभाग प्रवक्ता शिवराज सेढाईका अनुसार मूल्यवृद्धिको कारणबारे उद्योगीसाग छलफल भएको हो ।

‘हामीले सबै उद्योगको उत्पादन लागत, अघिल्लो वर्षको यहीं समयको खानेतेलको मूल्य र गुणस्तरबारे अध्ययन गरिरहेका छौं । तेलको मूल्य के करणले वृद्धि भएको हो भनी कारण पेश गर्न लगाएका छौं’, सेडाईले भने, ‘दसैँ तिहारमा तेलको खपत धेरै हुन्छ, हामी मूल्य घटाउन लागिपरेका छौं ।’

बजरमा तेललगायतका खाद्यान्नको मूल्य वृद्धि र गुणस्तरबारे विभागले अनुगामन गरिरहेको सेढाईले बताए ।

खुद्रा व्यपार संघका सचिव अमुलकाजी तुलाधरले पछिलो समय खानेतेल र दालमा धेरै मूल्य वृद्धि भएको बताए ।

तुलाधरले भने, ‘एक वर्षअघिको तुलनामा खानेतेलमा ८० देखि एक सय रुपैयाँसम्म प्रतिटिर मूल्य वृद्धि भएको छ । कोरोनाका कारण भएको लकडाउनको समयमा पनि तिरन्तर खाने तेलको मूल्य बढेको थियो ।’

एक वर्ष पहिले १५० रुपैयाँ प्रतिलिटर मूल्य भएको सनफ्लावर तेलको मूल्य अहिले २५० पुगेको छ । १४० रुपैयाँ भएको भटमासको तेलको मूल्य २४० रुपैयाँ पुगेको छ ।

त्यस्तै, अहिले मुसुरोको दालको मूल्य एक महिनामै प्रतिकेजी ४० रुपैयाँ बढेको छ ।

एक महिना अगाडि ११० रुपैयाँ प्रतिकेजी रहेको मुसुरोको दालको मूल्य अहिले १ सय ५० रुपैयाँ पुगेको छ ।
सरकारले पनि खानेतेलको मूल्य घटाउन खासै चासो देखाएको छैन ।

विद्यार्थी संगठले पनि पेट्रोलिय पदार्थमा २ रुपैयाँ मूल्यवृद्धि हुँदा आन्दोलन गर्ने गरेको छन् तर खानेतेलको मूल्य एक वर्षमा प्रतिलिटर सय रुपैयाँ बढ्दा पनि चासो देखाएका छैनन् ।

उपभोक्ता हित संरक्षण मञ्चका अध्यक्षका ज्योति बानियाँले सरकार नै बजार अनुगमनको पक्षमा नरहेको बताए । उनले उपभोक्ता आफैं सचेत हुनेपर्नेमा जोड दिए ।

‘बजारमा उपभोक्ता ठगिएको वाणिज्य विभागले थाहा नपाएको जस्तो गर्छ’ बानियाँले भने, ‘सरकारले नै उपभोक्ता ठगिँदा नदेखेजस्तो गरेपछि अरु कसले के गर्ने ?’


प्रतिक्रिया

Leave a Reply

Your email address will not be published. Required fields are marked *