गाउँपालिका अध्यक्ष र उपमेयरसहित डोटीका तीन जनाले रोजे नेकपा एस, अरु थपिने आलेको दावी – Nepal Press

गाउँपालिका अध्यक्ष र उपमेयरसहित डोटीका तीन जनाले रोजे नेकपा एस, अरु थपिने आलेको दावी

डोटी । डोटी जिल्लाका तीन जना एमालेबाट निर्वाचित जनप्रतिनिधिले नेकपा एकीकृत समाजवादी रोजेका छन् । संघीय सांसद तथा तत्काली नेकपा एमालेका जिल्ला इन्चार्ज प्रेम आलेको गृहजिल्लामा विगतमा अ‍ोली पक्षमा रहेकाहरुले नेकपा एस रोजेका हुन् ।

दल रोज्न पाउने समय सकिनु एक दिनअघि पूर्वी चौकी गाउँपालिकाका अध्यक्ष दीर्घराज बोगटी,दिपायल सिलगढी नगरपालिकाका उपमेयर शिवराज खड्का र सायल गाउँपायिलका-३ का अध्यक्ष गोरखवहादुर सार्कीले नेकपा एसको पक्षमा सनाखत गरेका छन् ।

आलेका अनुसार मंगलबारसम्म अरु स्थानीय तहका जनप्रतिनिधिले पनि नेकपा एसको पक्षमा सनाखत गर्नेछन् । डोटीका ५ स्थानीय तहमा एमालेले जितेको थियो ।

आलेले एमाले छाडेसँगै नेकपा एसको पक्षमा जिल्लाका नेता कार्यकर्ता र जनप्रतिनिधि खुल्ने क्रम बढेको छ ।आलेले प्रदेशसभामा समेत नेकपा एसको पक्षमा चार जना सांसद जुटाएका छन् ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर