सोमबार १८ सय कोभिड संक्रमित थपिए, २० जनाको मृत्यु

काठमाडौं । पछिल्लो २४ घण्टामा मुलुकमा सोमबार १८ सय ९७ जना कोरोनाभाइरस संक्रमित थपिएका छन् । १५ हजार ९७१ वटा नमूना (पीसीआर ११,६०९ र एन्टीजेन ४,३७०) परीक्षण गर्दा संक्रमण पुष्टि भएको हो ।

स्वास्थ्य तथा जनसंख्या मन्त्रालयका अनुसार सोही अवधिमा २० जनाको मृत्यु भएको छ भने १७ सय ४३ जना डिस्चार्ज भएका छन् ।

गत २४ घण्टामा १ लाख ७ हजार २३२ जनाले कोभिड–१९ विरुद्धको खोप लगाएका छन् ।

हालसम्म मुलुकमा ३० हजार ९७३ जना सक्रिय संक्रमित रहेको मन्त्रालयले जनाएको छ । नेपालमा कूल ७ लाख भन्दा बढी कोरोनाभाइरस संक्रमित छन् भने १० हजार ८५८ जनाले ज्यान गुमाएका छन् ।

अहिलेसम्म आईसीयूमा ५१२ जना, भेन्टिलेटरमा १६३ जना, होम आइसोलेशनमा २८,९११ जना, संस्थागत आइसोलेशनमा २०६२ र क्वारेन्टाइनमा २६० जना रहेको तथ्यांकमा उल्लेख छ ।

मन्त्रालयको अनुसार नेपालमा कोरोनाभाइरसको संक्रमणदर ११.८ प्रतिशत छ भने मृत्युदर १.५ प्रतिशत छ ।