आइतबार १ हजार संक्रमित थपिए, २० जनाको मृत्यु,

काठमाडौं । पछिल्लो २४ घण्टामा १ हजार ८९ जना कोरोनाभाइरस संक्रमित थपिएका छन् । ७ हजार ९७१ वटा नमूना (पीसीआर ५,१७० र एन्टीजेन २,८०१) परीक्षण गर्दा ती संक्रमित थपिएका हुन् ।

स्वास्थ्य तथा जनसंख्या मन्त्रालयका अनुसार आइतबार २० जनाको मृत्यु भएको छ भने १५ सय ३४ जना संक्रमणमुक्त भएका छन् ।

गत २४ घण्टामा ५३ हजार १८२ जनाले कोभिड–१९ विरुद्धको खोप लगाएका छन् ।

हालसम्म मुलुकमा ३१ हजार २४८ जना सक्रिय संक्रमित रहेको मन्त्रालयले जनाएको छ । नेपालमा कूल ७ लाख भन्दा बढी कोरोनाभाइरस संक्रमित रहेका छन् भने १० हजार ८३८ जनाले ज्यान गुमाएका छन् ।

अहिलेसम्म आईसीयूमा ५२३ जना, भेन्टिलेटरमा १६२ जना, होम आइसोलेशनमा २९,०८१ जना, संस्थागत आइसोलेशनमा २,१६७ र क्वारेन्टाइनमा २६६ जना रहेको तथ्यांकमा उल्लेख छ ।

मन्त्रालयको अनुसार नेपालमा कोरोनाभाइरसको संक्रमणदर १३.६ प्रतिशत छ भने मृत्युदर १.५ प्रतिशत छ ।