१०८ अंकले घट्यो नेप्से, कारोबार रकम ११ अर्ब

काठमाडौं । नेप्से परिसूचक आज १०८.२६ अंकले घट्दै २८१८.७३ विन्दुमा पुगेको छ । आज २ करोड ३० लाख ७९ हजार ८३२ कित्ता सेयर किनबेचमा ११ अर्ब २४ करोड ३ लाख ९१ हजार ४७ रूपैयाँको कारोबार भयो ।

आज अधिकांस कम्पनीको सेयर मूल्यमा नकारात्मक सर्किट लागेको छ । आज विकास बैंक समूह ७.२१ र फाइनान्स समूह ८.०१ प्रतिशतले घट्न पुगेको छ ।

बजार खुलेदेखि नै उच्च अंकले गिरावट आउँदै १४७.३१ अंकसम्म घटेर ४० मिनेट कारोबार रोकिएको थियो । सेयर कर्जामा राष्ट्र बैंकको सीमा निर्धारणको असर सेयर बजारमा परेको हो ।