नकारात्मक सर्किटपछि ४० मिनेटका लागि सेयर कारोबार रोक

काठमाडौं । सेयर बजार परिसूचक नेप्सेमा ५ अंकको नकारात्मक सर्किटब्रेक लागेको छ । नेप्से ५ प्रतिशतले घटेपछि ४० मिनेटका लागि कारोबार स्थगित गरिएको छ ।

२ घण्टाको कारोबारमा नेप्से १४७.३१ अंकले घट्दै २७७९ अंकको विन्दुमा पुगेको छ । कारोबार बन्द हुँदासम्म ७ अर्बको कारोबार भएको छ । यो नेपालको सेयर बजारमा सबैभन्दा धेरै अंकको गिरावट हो । यसअघि १२३ अंकको सर्वाधिक गिरावट आएको थियो ।

गत आर्थिक वर्षको पुस ५ गते ९७ अंकले बजार घटेको थियो । विगत १ वर्षमा २ पटक नकारात्मक सर्किटब्रेक लागेको छ ।