मन्त्रालयको भागबन्डा र मन्त्रिपरिषद् विस्तारबारे छलफल गर्न गठबन्धनका नेताहरू बालुवाटारमा – Nepal Press

मन्त्रालयको भागबन्डा र मन्त्रिपरिषद् विस्तारबारे छलफल गर्न गठबन्धनका नेताहरू बालुवाटारमा

काठमाडौं । मन्त्रालयको भागबण्डा मिलाएर मन्त्रिपरिषद्लाई पूर्णता दिलाउने विषयमा छलफल गर्न सत्तारुढ गठबन्धनका नेताहरू भेला भएका छन् ।

बालुवाटारमा जारी छलफलमा प्रधानमन्त्री तथा नेपाली कांग्रेस सभापति शेरबहादुर देउवा, माओवादी केन्द्रका अध्यक्ष पुष्पकमल दाहाल ‘प्रचण्ड’, एकीकृत समाजवादीका अध्यक्ष माधवकुमार नेपाल र जनता समाजवादीका अध्यक्ष उपेन्द्र यादव सहभागी छन् ।

भोलिसम्म मन्त्रिपरिषद् विस्तार गर्ने योजनामा रहेका गठबन्धनका नेताहरूले आज ठोस छलफल गरेर सबै विषय टुंग्याउने बताएका छन् । हिजो पनि यो विषयमा छलफल भएको थियो । तर, नेताहरू ठोस निष्कर्षमा पुग्न सकेका थिएनन्।

छलफलपछि आयोजित एक कार्यक्रमलाई सम्बोधन गर्ने क्रममा प्रचण्डले आज यसबारेमा ठोस कुरा हुने बताएका थिए । एकीकृत समाजवादीका नेता बेदुराम भुसालले पनि कसले कति र कुन-कुन मन्त्रालय पाउने भन्ने विषय हिजोको छलफलबाट नटुंगिएको जानकारी नेपाल प्रेसलाई बताएका थिए ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर