शनिबार १८ सय कोभिड बिरामी थपिए, २७ जनाको मृत्यु – Nepal Press

शनिबार १८ सय कोभिड बिरामी थपिए, २७ जनाको मृत्यु

२२ सय जना संक्रमणमुक्त

काठमाडौं । पछिल्लो २४ घण्टामा १८ सय ५७ जनामा कोरोनाभाइरस संक्रमण पुष्टि भएको छ । १३ हजार १७६ वटा नमूना (पीसीआर ९४०९ र एन्टीजेन ३७६७) परीक्षण गर्दा ती संक्रमित थपिएका हुन् ।

स्वास्थ्य तथा जनसंख्या मन्त्रालयका अनुसार शनिवार २७ जनाको मृत्यु भएको छ भने २२ सय २२ जना निको भएका छन् ।

हालसम्म मुलुकमा ३६ हजार ८६६ जना सक्रिय संक्रमित रहेको मन्त्रालयले जनाएको छ ।

नेपालमा कूल ७ लाख भन्दा बढी कोरोनाभाइरस संक्रमित रहेका छन् भने १० हजार ६९० जनाले ज्यान गुमाएका छन् ।

अहिलेसम्म आईसीयूमा ६१५ जना, भेन्टिलेटरमा १७४ जना, होम आइसोलेशनमा ३३,८३५ जना, संस्थागत आइसोलेशनमा ३,०३१ र क्वारेन्टाइनमा ३४६ जना रहेको तथ्यांकमा उल्लेख छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर