आरतीलाई एसिड छ्याप्ने श्रीमान् संजिवलाई साढे १० वर्ष कैद  – Nepal Press

आरतीलाई एसिड छ्याप्ने श्रीमान् संजिवलाई साढे १० वर्ष कैद 

जनकपुरधाम । आरती साहमाथि एसिड प्रहार गरेको घटनामा दोषी ठहर भएका उनकै श्रीमान संजिव साहलाई जिल्ला अदालत धनुषाले साढे १० वर्ष कैद सजायँ तोकेको छ ।

पीडित आरतीलाई दोषी ठहर श्रीमान संजिवबाट ६ लाख ५० हजार रुपैयाँ क्षतिपूर्ति भराउनसमेत अदालतले आदेश दिएको छ । अदालतका न्यायाधीश कृष्णमुरारी शिवाकोटीको एकल इजलासले सो फैसला सुनाएको हो ।

जनकपुरधाम उपमहानगर ७ स्थित डेरामा बसेकी आरती र छोरी रियामाथि सञ्जिवले ०७७ कात्तिक २७ मा एसिड प्रहार गरेका थिए ।

संजिवलाई एसिड उपलब्ध गराउने जनकपुरकै निखिल स्टोरका संचालक नागेन्द्र साहले भने अदालतबाट सफाइ पाइसकेका छन् ।

न्यायाधीश शिवाकोटीकै इजलासले गत साउन २५ गते एसिड बेच्ने नागेन्द्रलाई सफाइ र पीडित आरतीका श्रीमान संजिवलाई दोषी ठहर गरेको थियो ।

जिल्ला सरकारी वकिलको कार्यालयले श्रीमती आरतीमाथि एसिड प्रहार गर्ने सबैला नगरपालिका ६ का संजिव र एसिड बेच्ने नागेन्द्रलाई समेत १५ वर्ष ६ महिना कैद र कानुनबमोजिम उपचार खर्च उपलब्ध गराउनुपर्ने माग गरेको थियो ।

पीडित आरतीलाई आज मात्रै प्रदेश २ का मुख्यमन्त्री लालबाबु राउतले ५ लाख रुपैयाँ आर्थिक सहयोग गरेका छन् ।

प्रतिक्रिया

Leave a Reply

Your email address will not be published. Required fields are marked *