कोरोना संक्रमित भएपछि आइसोलेसनमा छु: गौरिका सिंह
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2021/04/Gaurika-Singh_01-e1665832074575.jpg)
काठमाडौं । नेपाली स्विमर गौरिका सिंहलाई कोरोना भाइरस संक्रमण पुष्टि भएको छ । गौरिकाले मंगलबार सामाजिका सञ्जालमार्फत आफूलाई कोरोना संक्रमण पुष्टि भएको जनकारी दिएकी छन् ।
‘सबैमा नमस्ते! म के जनकारि गराउन चाहन्छु भने पुरा डोज खोप लागाएको र केहि लक्षण नदेखिए पनि कोरोना संक्रमित व्यक्तिसँग सम्पर्कमा आएका कारण मलाई कोभिड-१९ संक्रमण पोजेटिभ देखिएको छ,’गौरिकाले लेख्छिन्, ‘म यहाँको सरकारको नियम अनुसार १० दिन आइसोलेसनमा बसेकी छु । हामीले एक समुदाएको रूपमा माक्स लगाएर र नियमित रूपमा परिक्षण गरेर भाइरसको फैलावट रोक्न सक्दो कोसिस गर्नुपर्छ । किनभने मलाई कुनै लक्षण देखिएको थिएन र पीसीआर परीक्षण नगरेको भए संक्रमण पोजेटिभ छ भनेर थाहा हुने थिएन । कृपया सबैजना सुरक्षित रहनुहोला र मलाई शुभ सन्देश पठाउनेहरु सम्पूर्णमा धेरै धेरै धन्यबाद । ’
गौरिकाले यसै महिना जापानमा भएको टोकियो ओलम्पिकमा १०० मिटर महिला फ्रि-स्टाइलमा राष्ट्रिय कीर्तिमान बनाएकी थिइन् ।