दोहोरो अंकले घटेको बजारमा २० अर्बमाथिको कारोबार

काठमाडौं । नेप्से परिसूचक आज १८.२४ अंकले घट्दै ३,१८०.७८ विन्दुमा रोकिएको छ । आज ३ करोड ९ लाख १२ हजार ६९७ कित्ता सेयर किनबेचमा २० अर्ब ४९ करोड ९२ लाख १० हजार ७६७ रूपैयाँ बराबरको कारोबार भएको छ ।

आज सबैभन्दा धेरै हाइड्रोपावर कम्पनीको सेयर मूल्य ३.१८ प्रतिशतले घटेको छ भने निर्जीवन बीमा कम्पनीको सेयर मूल्य ३.२ प्रतिशतले बढेको छ । आज अरुण कावेली हाइड्रोपावर कम्पनीको १ अर्बमाथि कारोबार भयो ।

जीवन विकास लघुवित्त कम्पनीको सेयरमा सकारात्मक सर्किट लागेको छ । खानी खोला हाइड्रोपावर कम्पनीको सेयर मूल्य १० प्रतिशतले घटेको छ ।