हिजो ओलीले गलत गरे आज देउवाले : प्रदीप पौडेल

काठमाडौं । नेपाली कांग्रेसका नेता प्रदीप पौडेलले आफ्नै पार्टी नेतृत्वको सरकारले ल्याएको भएपनि अध्यादेश गलत भएको टिप्पणी गरेका छन् ।

हिजो केपी शर्मा ओली नेतृत्वको सरकारले संसद छलेर अध्यादेश ल्याउँदा पनि आफूहरुले प्रतिकार गरेको भन्दै पौडेलले देउवा सरकारको कदमपनि विगतकै प्रवृत्तिको निरन्तरता भएको टिप्पणी गरे ।

‘असंवैधानिक काम गर्ने जो कोहीलाई ढाकछोप गर्नु लोकतन्त्र र संविधानमाथिको प्रहार हो’, पौडेलले सामाजिक सञ्जालमाफर्त भनेका छन् ।